「金鐘四寶」的第一間：香港JW萬豪酒店

逢星期五．Staycation．17 - 28

（溫馨提示：此文為港式廣東話寫作，夾雜一定數量英文，以保留作者風格。看不慣或看不過眼者可自行決定離開，無謂眼冤。華文世界天地廣闊，所有批評港式或廣東話文章嘅留言，一律不作回覆。歡迎指正任何錯別字，更歡迎送花鼓勵！）

金鐘太古廣場上的第一間酒店：JW萬豪

親愛嘅讀者，香港澳門旅遊氣泡嘅新聞，令我忽然澳門想起一個地方：路氹。

總覺得路氹上嗰幾間大型綜合渡假村，其實暗地裡抄考著香港嘅太古廣場。喺一個大型商場上面，起咗幾間豪華酒店，各有特色，各不從屬，各有體驗。旅客若果遇上天氣不穩落大雨，唔出户外都仲可以行商場。

黃昏拍

第二間同第三間嘅係….

港島香格里拉

港麗(a.k.a. 康來德)

平常沒有疫情嘅日子，我應該行太古廣場多過住太古廣場上面嗰四間酒店。就係因為疫情，一切都改變了。今集開始，將會講吓「金鐘四寶」。

不過其實呢座大廈係有兩間酒店…

JW萬豪

奕居

四寶入面嘅第一間酒店喺1989年2月27日正式開幕，距離而家都已經32年有多，而最新淨嗰間酒店都有12年。間間酒店都有番咁上下歷史（a.k.a.歲月痕跡），都係著名品牌。

JW萬豪望到的海景

比較一下：港麗望到嘅海景

四寶裡面，先講第一間開幕嘅JW萬豪。呢間酒店外型有如一條正方形柱體，非常對稱，一面向海，三面向山邊或城市。而自從中信大廈起好後，連海景都Block咁一截，四間酒店入面平均景觀最差。

酒店大門口

泳池樓層向上望

酒店位於金鐘太古廣場樓上，地鐵直達，地鐵出閘有通道往太古廣場，第一間到嘅酒店就係呢間，日晒雨淋一定冇。

酒店大堂落去萬豪金殿嘅樓梯

開揚景觀

  扶手電梯

大堂沙發區

Lobby Lounge

因為酒店係商場樓上，去邊都方便，地點真係冇得輸。再者，呢間酒店嘅平均餐飲性價比水平係香港咁多間Marriott Bonvoy 酒店s入面最好，冇失禮佢個Luxury Brand。之後再介紹啲餐廳。

某層的電梯大堂

門s，感覺典雅（或曰舊）

好典雅

呢度嘅服務都唔錯，前台、餐廳、Lounge嘅職員、Housekeeping 都好有禮貌，好professional。以上呢啲都彌補番酒店景觀嘅不足。

其實大家上各大社交平台都應該見過呢間酒店嘅房間介紹。我嘅概括評論係：設計比較舊，保養好搭夠。

海景套房的客廳

1989年開張中間有翻新，最近冇大修，所以呢個係好正常嘅效果。因為起酒店嘅時候係八十年代，呢度房間個樓底唔太高，空間感打折扣。不過，呢度啲設施大部份都保養得好好，冇乜殘舊污糟嘅感覺。

市景套房嘅客廳

普通房就冇乜好講，應該有嘅嘢都有，正正常常。景觀大部份都係一般，唔好彩住係對住太古廣場其他幾楝建築物方向嘅話，壓迫感會大啲。

飯廳

玻璃茶几

電視機，應該有五十吋吧。

一般套房嘅面積大概等於兩間普通房加埋，有客廳連飯廳、獨立睡房同大啲嘅浴室。海景套房同市景套房配備一樣好公平，真係爭在個景！空間大咗，可以擺多啲嘢，例如一套兩件沙發加一個玻璃茶几、圓形餐枱加四張椅、迷你吧區有一台微波爐。飯廳同客廳中間仲有好大地方可以做到Yoga！

微波爐

冰座

應該係office出現多啲嘅 Cisco 電話

客廳望飯廳

帕拉蒙模式

套房嘅睡房連浴室同普通房嘅分別，大部分都係喺個浴室度。套房嘅浴室個浴缸係大啲同埋配備Jacuzzi 功能，浸浴之餘你仲可以玩嘖水。當然啦，住得套房用嘅淋浴備品都係大支裝嘅 Aromatherapy Associates ，仲有同牌子浴鹽，香氣逼人！

睡房

有按摩功能嘅浴缸

洗手盤

Aromatherapy Associates

浴室備品

衣櫃裡

睡房嘅景觀基本上同客廳一樣，睡房除咗有睡床同辦公枱外，亦都有一張單人沙發連茶几。電視機當然都唔少得啦，係同客廳同款同size嘅。衣櫃喺一般套房嚟講比較細，亦都因為呢個衣櫃，攪到其中一邊落床位比較淺窄。

床頭，這邊有藍牙喇叭。

床頭，這一邊有電話跟電燈控制。

床都舒服，你有其他枕頭選擇嘅話，都會紀錄在案，下次住嘅時候會自動效同款枕頭！兩床邊各有一個床頭櫃，一邊擺電話，一邊擺Bluetooth擴音器連USB叉電頭，方便住客床頭幫智能電話叉電，令你覺得冇咁落後。

整張床照

海景，窗外看到的建築物還是很多。

Executive Lounge位於5樓，係同扒房 Flint 混合存在。疫情開始之後提供下午茶及黃昏雞尾酒。疫情之前有早餐提供，而家早餐就「被迫」要去 JW cafe 食。當然，一般 check in check out 服務呢度亦有提供。

行政酒廊

沙發區

其實個Lounge都係俾住客們飲飲食食為主，個setup 基本上同到一般西餐廳冇分別。不同類型嘅座位選擇都有，人多人少都得。好多座位都係梳化椅，好疏肝。

早上跟下午會放滿報紙

餐廳嘅座位

下午茶嘅茶點選擇好普通，當然一般英式下午茶嘅茶點呢到都有，自助制，味道正常，不過個鬆餅有啲weakest link 嘅感覺，麻麻地。

下午茶嘅排場

下午茶時段嘅鬆餅

黃昏雞尾酒時段酒水充足，有專人調教雞尾酒，唯「冇香檳」有啲美中不足。食物方面就有冷熱小食數款。冷的有沙律小食芝士切粒水果甜點，大路正常。每晚嘅熱點變化比較大，不過都係以佐酒小食為主，配以一個澱粉質食品。吃過的有炸雞翼咖喱魚蛋炸魚薯條叉燒炒飯炒麵。上年仲有啲中式點心不過今年就冇喇。食物質素一般，唔特別難食但又唔特別好食，食飽當晚餐係可以嘅。不過唔知係咪因為呢期staycation package 都係有包 dining credit ，酒店都係想住客喺酒店其他餐廳食飯，所以lounge嘅食物就係普通啲囉。

黃昏雞尾酒嘅酒水一覽

麵包跟芝士，仲有薯片

黃昏雞尾酒小食：炸雞翼、咖哩魚蛋、炸蕃薯條

小籠包

跟住講吓個 Flint 扒房，因為呢間扒房係同 Executive Lounge 融埋一齊！

呢間扒房有提供午餐同晚餐，有幸都試過。餐廳基本上就係行政酒廊，可以真接介紹食物。

嚟呢度冇得唔鋸扒，不同款式嘅牛都係要食嘅item，前菜都有唔同選擇，最食肉獸嘅選擇就當然係牛肉他他啦，其他選擇例如煎帶子、煎鵝肝或者龍蝦湯都唔錯嘅。

牛肉他他

  韓國牛扒

甜品

呢度都會因為餐廳番咗啲正貨或者抵食貨而有 chef ‘s recommendations，試過食過韓牛，又試過兩人以上先可以食到嘅啖啖肉斧頭牛扒，都唔錯。

麵包

煎鵝肝

煎帶子

龍蝦湯

兩個人先可以食晒嘅斧頭扒

甜品都唔錯，雪糕、疏乎厘、焦糖燉蛋都好正。爭啲唔記得，佢個麵包都好好食，不過要忍口否則會太飽呢！

疏肝疏乎厘

焦糖燉蛋  

跟住講另一間餐廳 Fish Bar，順手睇吓個泳池！

Fish Bar 都係食海鮮為主，如果多人幫襯，不妨吃海鮮塔或者蟹龍蝦餅，都好似幾多人食呢。餐廳個廚房係開放式，真係近廚得食！客人可以睇到啲魚擺晒出來，睇吓邊啲新鮮，再order 個 catch of the day！因為係泳池旁邊，你都可以叫杯嘢飲邊游水。（不過疫情期間有啲難！）

泳池

香檳企鵝在Fish Bar 迎賓

Fish Bar

未開的 Fish Bar

餐廳內的半Open 廚房

上次幫趁就冇食魚，不過都有食龍蝦，用烤嘅製法，另外加個蜆肉周打湯，同杯 Mango & Kaffir smoothies 。

麵包

蜆肉周打湯跟Smoothies

個湯好 creamy ，當然有蜆啦！隨枱送上嘅麵包份量好多，好難食得晒！因為又要留肚食個主菜！烤龍蝦唔會過老，有啲汁。配上粗邊薯條豆角紅蘿蔔仔同粟米，仲有沙律醬同茄汁俾你點薯條，真係大叔（粟）最愛！分量計，啲配菜其實幾乎多過隻龍蝦，一定食得飽哦！

烤龍蝦跟一眾配菜大合照

航拍（即係高空向下俯瞰）烤龍蝦

都係泳池

再講自助餐廳 JW Cafe！

JW Cafe係全日制自助餐廳，疫情之前都嚟過呢度食自助餐。來JW萬豪 staycation 一定唔少得嚟呢度食個自助早餐。以質量計，呢度嘅自助早餐可以講係全港三甲之一。

早餐：果汁、水果、沙律、乳酪、咖啡

先講果汁，呢度有一款洋蔥檸檬蜜糖水，飲落幾 Refresh，其他餐廳好似冇飲過！其他果汁同生果選擇都好多。沙律吧好大，沙律菜、油同醋嘅選擇都好豐富。煙三文魚仲伴埋 Bagel ，可以即場自製三文魚Bagel。

果汁

自助沙律吧

Bagel 跟煙三文魚

中麵包區好大，所有唔同款式嘅麵包糕餅都會整齊排列好，伴以各式果醬、牛油、花生醬、多士爐，絕對吸引食客們！

麵包區

熱食分中西兩大部門。西式嘅焦點當然係Egg station，可以落單點你想食嘅蛋，烚煎炒omelette班尼狄。中式就有大量唔同種類嘅點心，仲有新鮮炒起嘅春卷同炸餃，全部都好好食！麵檔係另一個受歡迎item，麵、菜、餸同湯嘅選擇都好多。

Egg station

中式自助區

麵檔

想好好嘆一個靚早餐，最好早啲起身早啲到。咁就可以揀個開揚少少嘅位坐，可以遠望住街景食早餐，零舍舒服！

中西合璧嘅熱食

九唔搭八嘅早餐組合

麵檔冇食麵

講另一間餐廳 The Lounge。

叫得 The Lounge，餐廳位置當然係喺酒店嘅大堂啦。酒店大門入口行幾步就已經到達餐廳入口。餐廳嘅用餐區基本上係成個大堂，非常大，景觀雖然係市區街景，不過因為有兩層以上咁高嘅落地玻璃，日間時間呢度感覺幾開揚。

今次介紹吓個週日早午餐 Brunch。採用自助餐形式嘅 Brunch，食物豐富到要分上中下集先show得晒。

Lounge 進餐區，非常開揚

天氣好嘅日子，呢度食嘢係幾好。

凍食方面，有凍海鮮例如龍蝦麵包蟹大蝦青口，魚生刺身都有五至六種，煙燻三文魚當然唔少得啦。仲有魚子醬，少少咁加個超迷你薄餅咁食，仲有即場切嘅西班牙火腿及其他cold cut配哈蜜瓜，仲有芝士伴法國麵包。

海鮮

芝士跟青提子

刺身跟其他冷盤

火腿

龍蝦與蟹

蝦、蟹腳跟青口

即場切火腿

魚子醬

享受一下，加錢飲香檳

雖然凍食都已經有好多海鮮，熱食其實都有唔少海鮮啵。最矚目嘅就係有熟嘅芝士焗蠔同芝士焗龍蝦。家禽類方面呢，就有煎鴨肝、烤鴨伴薄餅、燒乳鴿同埋海南雞。肉類方面，就有燒牛肉、烤羊架同埋叉燒。未夠飽嘅話不妨去麵檔，叫個水餃麵食！

龍蝦

烤鴨

叉燒烤乳鴿海南雞

烤羊架

燒牛肉

煎鴨肝

焗三文魚

水餃麵

芝士焗蠔

食甜品會用另一個胃，而呢度嘅甜品都係喺另一個區域擺放！

甜品在另一區

西式為主，各式各樣嘅切餅同批，唔同種類嘅奶凍、酥餅、仲有喺 executive lounge 度見過嘅鬆餅、麵包布甸，班蘭蛋糕、冬甩。

水果跟糕餅

麵包布甸跟鬆餅

靚靚批

酥餅

蛋糕s

中式方面，就有豆腐花同紅豆沙。生果同果汁當然唔少得。

中式甜點

若果以上嘅甜品都滿足唔到你嘅訴求，我估食雪糕都應該可以滿足到你喇！呢度除咗 Haagen-Dazs之外，仲有軟雪糕，幫襯嗰日更加有榴槤味軟雪糕！

雪糕

若果你鍾意食甜品嘅話，就記得留少少肚喇。

果汁s

食物質素呢係唔錯嘅，服務亦好貼心。當然，我唔會話食一個Brunch要正價七百幾蚊會係好抵，不過因為好多信用卡都會有折扣，埋單都可能係六百幾蚊，可接受啦。若果想豪少少，可以加多百零蚊，就會有得任飲香檳。若果你飲酒嘅話，呢百零蚊都值得比嘅，平時一杯香檳都要呢個價錢啦！

Lounge行落去萬豪金殿

壓軸當然要講級數最勁啲嘅餐廳啦：萬豪金殿。

萬豪金殿係香港JW Marriott 嘅米芝蓮中菜餐廳，有一粒星星。餐廳一有星呢，就特別難book位喇。有心想食嘅話， book完房之後就記得即刻去book埋餐廳喇！估計午餐時間會特別難book，因為「入場價」相對比較低。

餐廳內嘅一角

間餐廳咁出名，所以你大可以參考大量唔同嘅報道同social media ，去睇吓餐廳有乜名菜。若果你book嘅房價包埋dining credit 就不妨善用佢嚟食餐星星飯。

食過一次午餐，吃了部份名菜：茶皇香燻雞、萬豪貴妃叉燒、杏仁濃湯煎花膠、龍蝦粒蟹肉焗釀蟹蓋、排骨蒸陳村粉同松露金網卷。

雞

叉燒

花膠

蟹蓋

陳村粉

網卷

所有嘢都好食，好難去文字記錄低究竟有幾好食，再去book位食應該最實際！

食得好飽，要打包啲叉燒同雞返屋企再食，冇叫甜點。不過餐廳都好好咁送咗小甜點俾我哋食，真係飽到上心口！

小甜點

嚟到介紹香港JW萬豪嘅尾聲，總結返間酒店嘅體驗：房間跟設施比較舊但保養不錯，餐飲水準好好。雖然房間景觀比較輸蝕（金鐘四寶所有酒店計），但嚟staycation 食吓嘢都係一個唔錯嘅選擇。

多謝細讀，歡迎大家送花。唔明廣東話即管問，一定解俾你聽！

祝你今晚staycation 愉快（如果有）。

post_deleted

看懂了

评论内容不可见

不要去羨慕，不要去妒忌。在香港的人，都有想到澳門到國內走走哦。😅

评论内容不可见

係嘅，你說得對。不過…之後講Conrad再說。😎

Chris Hsu 发表于 2021-8-15 22:48

看懂了

恭喜你，醒目仔，多看多懂。🤪

非常详尽，期待另外三宝。冒昧问下疏肝系咩意思？

JW樣樣野都幾ok，唯獨輸左個海景。

好用心的报告，送花，期待后续

waclly83 发表于 2021-8-15 23:24

非常详尽，期待另外三宝。冒昧问下疏肝系咩意思？

長輩常以「疏肝」形容抒發鬱結，有心情暢快的意思。疏肝可作動詞或形容詞，例如人們常以「好疏肝」形容做一些令心情愉快的事。

东海龙宫龟丞相九千岁 发表于 2021-8-15 23:35

JW樣樣野都幾ok，唯獨輸左個海景。

不能同意更多 Cannot agree more🤣

gzronni 发表于 2021-8-15 23:46

好用心的报告，送花，期待后续

也謝謝你用心閱讀，字多圖多，耐性少有

一點都不能。😌

评论内容不可见

不用客氣。多謝收看。😌😊

评论内容不可见

最近還好，外來輸入的少不免。大部份都在隔離期發現了，沒有引發社區感染。

btw想问下维港焰火边间好睇d？

感谢分享