我最喜愛的香港奢華酒店．02- 瑞吉酒店

留意番．一：係我最喜愛，唔等於係你最喜愛。我嘅入住期望只係一個正常普通嘅香港人。早checkin 遲 checkout 老馮Upgrade唔係必然。留意番．二：大部分都係2020年嘅評論，都係自費套房住宿，冇收廣告。留意番．三：房價可升亦可跌，每口價包嘅服務都唔同，疫情期間住宿嘅設備亦有開有關。位置：St. Regis 瑞吉酒店位於灣仔港灣徑一號，毗鄰香港會議展覽中心、中環廣場、鷹君中心同華潤大廈，地理位置不錯。酒店本身唔算太高，又俾太多高樓大廈包圍，只得部分高層嘅房間可以有個靚少少嘅罅隙海景。呢個亦都係酒店失分最多嘅地方。房間：酒店新開業不過兩年，房間設計都係呢個年代嘅奢華 modern luxury 。房間新鮮保養亦都好好。一入套房就係好chill好relax嘅客飯廳。一個空間兩個廳，無論係食嘢定坐喺沙發hea都可以share 同一個景及同一部電視機。電視機同音響喺LG，電視機尺寸好大。睡房喺客飯廳後面，有單人沙發同另一張枱。睡床跟床頭櫃設計下過心思，方便住客。衣帽間及浴室在睡房右手邊，超大！浴室備品係 Remede，浴袍同拖鞋係 Frette。浴缸好大，設在窗邊，可以欣賞到銅鑼灣避風港一帶另一條罅隙海景。套房嘅硬件冇乜好挑剔，就係爭咁個靚啲嘅海景。設備：健身房很大，游泳池卻很細。喜歡游水就應該游得冇咁暢快。更衣室有蒸氣房桑拿，不過因為疫情都關閉了。美中不足就係冇熱水浴池。瑞吉冇行政樓層或者俱樂部之類嘅嘢，心思都在管家服務之上。餐飲：酒店有兩間米芝連餐廳。被式嘅潤就 serve 早、午及晚餐。L’Envol就係法式，提供午同晚餐。下午茶就喺 Drawing Room，飲嘢就有 St. Regis Bar。所有餐廳嘅價錢都好進取，幫趁嘅話請先幫個荷包做好心理準備。當然若果你個房費包括咗啲 Dining credits 或者餐飲項目，咁就最好啦。早餐精緻，比較受歡迎嘅係中式早餐，因為可以食到鮑魚粥或者帶子粥，點性亦不錯。下午茶會有茶點車俾你揀鹹點同甜點，若果你有選擇障礙嘅話就大件事喇，唯一解決方法就係比多少少錢食個「全包set」。😝 Room service 性價比亦都不俗。個人覺得最抵食嘅就係海蜇滷水鮮鮑魚，288蚊就可以食到四件半隻手掌大嘅溏心鮑魚！服務：因為St. Regis，令我知道 Butler 管家呢個服務。由check in 入住、介紹房間設施，到預備咖啡或茶，甚至Unpack同Pack行李都可以有管家幫你。電話又得，用 app chat 又得，得咗。住得St Regis ，你就要「手殘」嘅想法，所有咖啡同茶都係免費，你甚至可以叫管家送壺熱水過嚟俾你都仲得，水都唔使煲！因為慶祝生日入住，管家更送咁一個 Opera cake 同瑞吉小熊，很窩心。備註：入住前最好訂定你想去嘅酒店餐廳，因為真係一位難求哦。